ABŞ-də etiraz edən ermənilərə “Qarabağ Azərbaycandır!” yazılmış plakatlarla cavab verildi.

İfrat millətçi Amerika Ermənilərinin Milli Komitəsi, Erməni Gənclər Federasiyası və digər erməni təşkilatlarının üzvləri Azərbaycanın ABŞ-dəki səfirliyi önündə “etiraz aksiyası” keçirib. Səfirlik əməkdaşları ermənilərə Azərbaycan dövlət himni, hərbi marşları və vətənpərvərlik mövzusunda olan musiqi nömrələri, erməni işğalı və vəhşiliyini nümayiş etdirən, habelə “Qarabağ Azərbaycandır!” şüarları əks olunmuş plakatlarla cavab veriblər. Səfirlik tərəfindən quraşdırılmış həyəcan siqnalı ermənilərin planlarını pozub. Belə ki, səsləndirdikləri əsassız şüarlarını özləri belə eştiməkdə çətinlik çəkiblər.

Ermənilər xislətlərinə uyğun olaraq, özləri ilə gətirdikləri və təhrif olunmuş məlumatlar yazılmış plakatlar və qondarma “bayraqlarla” Səfirliyimizin fonunda şəkil çəkdirməyə çalışıblar. Lakin bu zaman da istəklərinə nail ola bilmədən, plakatlarını da qoyub uzaqlaşmaq məcburiyyətində qalıblar.Aksiya zamanı Səfirliyin ərazisinə müdaxilə olmayıb.

---

---