“Sabahın alimləri” müsabiqəsində Şəki-Zaqatala bölgəsinin 11 məktəblisi uğur qazanıb


RİTOR.az xəbər verirki,Şəki-Zaqatala Regional Təhsil İdarəsinin tabeliyindəki ümumtəhsil müəssisələrinin 11 şagirdi “Sabahın alimləri” XIV Respublika layihə müsabiqəsində uğur əldə edib.

Bildirilib ki, müsabiqədə Zaqatala rayonu Üçüncü Tala kənd tam orta məktəbin X sinif şagirdi Ümid Xəlilli və Zaqatala şəhər Humanitar fənlər təmayüllü gimnaziyanın IX sinif şagirdi Yusif Seyidhəsənov “SmartMöö” nominasiyası üzrə ikinci yeri tutaraq gümüş medala layiq görülüblər.

Bundan əlavə, müsabiqədə Balakən şəhər Humanitar və Texniki fənlər təmayüllü liseyin XI sinif şagirdləri Şahin Məmmədov, Həmzət Hudulov, Şəki şəhər 18 nömrəli tam orta məktəbin XI sinif şagirdi Sadiq Allahverdiyev və şəhər 6 nömrəli tam orta məktəbin X sinif şagirdi Sədaqət Yusifova “Ekologiya və ətraf mühitin idarə olunması” nominasiyası, Şəki şəhər 3 nömrəli tam orta məktəbin XI sinif şagirdi Maarif Rəfili və şəhər 8 nömrəli tam orta məktəbin IX sinif şagirdi Emil Cabbarov “Robotexnika və süni intellekt” nominasiyası, Oğuz şəhər 3 nömrəli məktəb-liseyin X sinif şagirdi Həbib Naxçıvanski və IX sinif şagirdi Famil Ədilov “YivMEX beton konstruksiyalar üçün yiv açma robotu” nominasiyası, Oğuz şəhər İnternat tipli texniki və təbiət təmayüllü liseyin IX sinif şagirdi Selcan Süleymanzadə isə “Kimya” nominasiyası üzrə üçüncü yeri tutaraq bürünc medalla təltif olunublar.

Qeyd edək ki, müsabiqə Elm və Təhsil Nazirliyi, Təhsil İnstitutu, Azərbaycan Milli Elmlər Akademiyası, Azərbaycan Təhsil İşçiləri Azad Həmkarlar İttifaqı Respublika Komitəsinin təşkilatçılığı və tərəfdaşlığı ilə keçirilib.